Back Trafalgarplein Afrikaans ميدان الطرف الأغر Arabic ميدان ترفلجار ARZ Trafalgar Square AST Trafalqar meydanı Azerbaijani Трафальгарская плошча Byelorussian Трафальгарская плошча BE-X-OLD Трафалгар (площад) Bulgarian ট্রাফালগার স্কয়ার Bengali/Bangla Trafalgarski trg BS
Trafalgar Square (/ˌtrəˈfælɡər/) zo ul leurgêr e karter Westminster, e Kreiz Londrez. Savet e oa bet tro-dro d'al lec'h anvet Charing Cross. An anv "Trafalgar" zo bet roet evit enoriñ emgann Trafalgar, un trec'h war-vor breizhveuriat war nerzhioù Napoleon kevredet gant Spagn hag a voe dalc'het d'an 21 a viz Here 1805 dres dirak arvor Kab Trafalgar, e Spagn.
Lec'h Trafalgar Square a oa bet ul lec'h pouezus abaoe an XIIvet kantved, pa oa a-orin al lec'h evit kezeg ar roue hag e familh. Goude ma voe fiñvet ar marchosi gant ar roue George IV da Vuckingham Palace e oa bet kroget da ziorren en-dro ar marchosi kozh gant John Nash met sioul betek-re e voe an obererezhioù goude e varv, ar pezh a lakaas al leurgêr da vezañ digoret e 1844 nemetken.
Kolonenn Nelson, a zo e-kreiz al leurgêr, zo ambrouget gant peder delwenn leon. Petra bennak ma 'z eus delwennoù ha delwennoù lid e-leizh war ar blasenn, ar Fourth plinth (ar pevar diaz) chomet goullo aboe 1840, a vez implijet evit oberennoù arz arnevez abaoe 1999.
